.:::.Khz.:::.
Adobe Reader çdo ditë e më shumë është duke u bërë shënjestër e dashakeqëve, dhe kjo është arsye pse përdoruesit e tij do të duhej të gjejnë alternativa, ka theksuar Mikko Hypponen, anëtar i ekipit hulumtuesit të kompanisë e cila merret me softuerë kundër viruseve, F-Secure.
“Adobe Reader është bërë Internet Exploreri i ri”, u ka thënë Mikko Hypponen të pranishmëve në konferencën RSA në San Francisko, duke aluduar në lëshimet shumta të sigurisë të cilat e përcjellin këtë shfletues të internetit nga kompania Microsoft.
Deklaratën e tij Hypponen e ka mbështetur në të dhënat që F-Secure i ka mbledhur gjatë periudhës prej 1 janarit deri më 16 prill 2008 të cilat kanë dëshmuar se dashakeqët kanë shfrytëzuar 128 lëshime brenda Adobe Acrobat, derisa në periudhën e njëjtë të këtij viti janë regjistruar 2.305 raste të tilla.
Përfaqësuesi i F-Secure nuk ka rekomanduar ndonjë zgjidhje alternative ndaj Adobe Acrobat, por përdoruesit i ka udhëzuar tek pdfreaders.org, ku përdoruesit mund të zgjedhin vet aplikacionin të cilën duan ta përdorin.