.:::.Khz.:::.
Volkswagen ka njoftuar se në vitin 2011 do të fillojë me prodhimin e automjetit të ri të vogël për qytet, e për ndërtimin e tij janë zgjedhur fabrikat në Sllovaki.
Volkswagen në prodhimin e modelit të ri ka investuar 308 milionë euro dhe planifikon hapjen e rreth 1.500 vendeve të reja të punës. Fabrikat ekzistuese në Devinska Nova Ves afër Bratislavës do të ishin në gjendje që në baza vjetore të prodhojnë deri në 400.000 automjete.
Volkswagen në këtë fabrikë ndërton edhe Audi Q7, Porsche Cayenne, Skoda Octavia e Volkswagen Touareg. Aktualisht fabrika punëson 8.000 njerëz.
Edhe pse VW këtë nuk e ka vërtetuar zyrtarisht, pritet që gjenerata e re e përmendur e automjetit të vogël për qytet do të jetë e bazuar në konceptin Up!