Salgado: Xabi është ideal për Realin

Mbrojtësi i Real Madridit, Michel Salgado, mezi pret që te klubi mbretëror të arrijë mesfushori i Liverpoolit, Xabi Alonso.
Alonso është një prej caqeve të Realit për sulmin e dytë të transferimeve, pasi klubi spanjoll tashmë ka transferuar disa prej yjeve më të mëdha të futbollit botëror, si Ronaldo, Kaka dhe Benzema.

“Xabi Alonso mund të kujdeset për drejtimin e lojës, ai e përcakton ritmin e saj dhe siguron pasime nga 40 metra. Ai do të ishte i mirëseardhur në Madrid”, ka thënë Salgado.

Përveç Alonsos, francezi Frank Ribery vazhdon të mbetet njëri prej caqeve kryesore të Real Madridit.