.:::.Khz.:::.
Drejtori gjeneral i Real Madridit, Jorge Valdano, ka konfirmuar se lojtarët holandezë të Los Blancos mund të largohen të gjithë nëse marrin oferta të përshtatshme. “El Mundo Deportivo” njofton se Valdano i ka thënë kontingjentit holandez, të përbërë nga Klaas-Jan Huntelaar, Royston Drenthe, Wesley Sneijder, Rafael Van Der Vaart, Arjen Robben dhe Ruud Van Nistelrooy, se do të largohen nga Santiago Bernabeu nëse vjen ndonjë ofertë e pranueshme.
Të gjithë lojtarët e përmendur po kërkohen nga skuadra të shumta evropiane, ndërsa disa prej tyre do të përdoren për shkëmbim me ndonjërën nga shënjestrat e Mbretërve.